Hey Leute es isch wieder Ziet fuer en neue Blogg ittrag! Die Wuche han ich zimmli realisiert, dassi nuem lang da im schoene Nelson bin, und so han ich mich ufd Socke gmacht und  han min Reisefuerer gschnappt, und bin uf erkundschaftigstuur gange, s Ergebnis isch blendend gsi! Ganz es geils Kaffi: Yaza. Voller freakiger Kunst, und tolli Snack's. Hmmm!!!! Es het mer noed glanget am Duschtig det go en tolle hammer ever best Muffin go esse, nei ich han nummol det anne muesse, und so hets mich huet wieder det anne verschlage, yammi. Und die wo dete schaffet sind mega zwaeg, freakig, eifach sich selber :-) Das gefaellt!

 Ja und denn hanni am Dunnstigabig gfunde, so lady jetzt machsch mal Negel mit choepf! Ich han min sexy A hochbracht, und bin ganz alleige in Usgang!!!! Aleige!!! Ohne Luet wonni kennt han!!! Ahhhhhh!!! Ich han das eifach gmacht, well ich mal chli luet vo da ha welle kenne lerne, oder Luet wo halt au guet Englisch redet.... Ja und so ischs denn cho, ich bin is Free House gange, das isch e Bar inner alte Chile drin... e zimmli kuuli Idee.
Mis Herz het gschlage wie wild, wonni det inne gange bin... Ich han mich denn chli dur d Bier dureteschtet, und de Barkeeper isch au zimmli nett gsi. Das het mer mini Angst scho mal chli gno... Denn Linda mit Bier in der Hand, steht da, und ja shit wo zu wemm sitzi ahne!!!! Ich han denn d Luet alli chli gmusteret, und han mich schliesslich entschiede, zumne Paarli z sitze. Und das isch ei duetig e gueti Wahl gsi, denn sie hend Englisch gredet, sind reisendi vo UK gsi, und total ufgstellt. Mir hend denn es mega guets Gspraech gha. Nach 2 Bier und 3std. Englischrede, bini uf Wulche 7 gschwebt.... es isch e mega tolli Erfahrig gsi! Das Paerli het mich sogar welle heibegleite, aber ich han ihne gseit segi cho guet... 

Dur mini positivi Erfahrig bini am Fritig wieder loszoge, aber meh eifach zum am Namittag eis go trinke, au innere Location us mim Reisefuerer. Es het mich denn da anne Verschlage, id Bar Berlin. Mega toll! Au sehr krativ und LIVE MUSIC!!! Hammer, e jungi Frau am Piano mit ere unglaubliche Stimm! Ich han mir denn da en feine Wieswein vo de Region goennt, und han die Livemusic innezoge.

Gester han ich denn s erste mal annere Schuelaktivitaet teil gna, bin go Boangarve (hoffe has richtig gschriebe) Ich han aber me s gfuel gha, es isch en Usflug mit em SCHWIETZER-CLUB gsi!!!! Ahhh hilfe, das hanni doch noed welle. Uf allfaell isch das de ersti Tag gsi, wonni Schwieterduetsch gredet han, what for a shame! Aber es ich suscht ganz cool gsi. De Typ isch selber au vo Duetschland i gwanderet, und a sim Englisch het ichs gar noed a gmerkt...

Ja und de Typ isch echt sehr sehr kreativ gsi, ich dennk sini Hustuer spricht fuer sich!

Im Moment isch da in Nelson immer no s Artfestival und dadure choemet Einheimische in Gnuss vo tolle Bands, ohne dass mer was zalle muess. Ja und am Samstig Abig bini denn da anne soes Konzert gange. Bandmitglieder sind so was vo underschiedlich gsi, aber sie hend zemme unglaublich harmoniert! Ich han nanie so geili Musik ghoert. Mir ischs vorcho wie Maori Hiphop mit Rock, Soul. Genial!!

Ja und ich bin dementsprechend au abgange, ich bin s ganze Konzert z vorderscht am dance und rocke gsi. Zimmli allleige mit de Luet woni vo de Schuel gange bin, aber ja hez ich han jede Augeblick gnosse, es isch mer vorcho als waer ich ufme unglaubliche Trip. Die Musik isch eifach Energie puur gsi. Ja und hehe, mer hets vo ussse au zimmli gseh :-) en Neuselaender isch zu mir cho, und het so gmeint: Woa you really enjoy yourself! Er isch zwei mal cho, und het gfunde es seg so toll gseh, wie ich abdance. Ja und das isch noed gnueg gsi, en Typ vo de Band isch au cho, und het gmeint, seg voll geil gsi wie ich abgange bin. Manomann han nanie so kompliment becho :-)

Ja und da unde es Foti mit de Luet vo minere Schuel, und d Frau nebet mir isch: MINI LEHRERIN. Ganz e cooli Frau! Mer hend sie zuefelligerwies dete troffe... Sie het mich au mal innen Secondhand shop mitgna, emal. p.s Chrigi und Papi im gegesatz was ich i dem Auto a troffe han, isch mis Auto meh als suber ;-) Aber ja d Neuseelaender nemmets eh noed so gnau, mit de Suberkeit....

Ja und huet heissts wieder lerne, lerne und vorbereite fuer mini Reis....

So leute ich weiss ich bin chli verhaengt, han scho lang nuet me ah min Blogg postet und ich han mir doch so fest vorgna huet es paar Bilder ufezlade, und denn what happen?! Ich han s falsche Kabel id Schuel mitgna, ich wuerd sege isch typisch lindalike... Naja, what going on since the last two weeks? A lot...

Da Nelson sehr arty und musikalisch isch, han ich bekanntschaft mit vielne neue Eindrueck gmacht, wie z.b ere Ukulele.. was ist das, eine mini Gitarre :-) I love it and it's also mine... Was soviel beduetet, dass ich im Besitz vonere Minigitarre bin und bereits let it be und Imagine spiele chan, toll he. Und na toller, en kolleg woni die naegschte paar Moenet mit mir umeschleppe darf... aber sie isch toll und ich bereus keis bitzli dass ich sie kauft han.. Es isch schoen dass ich da au neui Sietene a mir entdecke was mich gluecklich macht, und Music ghoert da sit neuerem dezue... Wenn Musik in Rum chunt veraenderets Stimmig vo de Awesende, das gfallt mir... Schoen isch da in Nelson, das oft in Bars live gspiellt wird...

Das Weekend isch de hammer gsi, ich han total Kiwi sache gmacht. Aso am Samstig bini da in Saturdaymarket gsi, denn mit em Bus an Tahunanui beack gsi... sehr schoen, und han det natuerli uf minere Uku gspielt..

Denn am Sunntig bini annere Country fair gsi mit mintere Hostmam und ihrne Fruende. E Country fair isch e verastalltig verusse, wo live Musik gspielt wird, es unmenge a Food git, natuerli Kiwi Food. Das toent folgender masse: Lammfleischsandwich mit Minzsauce, oder e Art Bratwurst umpapt mitme Toastbrot und und und.

Nacheme wieli dete hemmer eus denn nach de besti Eiscreme ufd suechi gmacht. Das hemmer amne Beach gnosee.

Ich, mini Hostmam und ihri Fruendin d Mirelle

Nach em Stopp det simmer anen wietere Beach in Kitheriteri gfahre am Afang vom Abel Tasman Nationalpark, wunderschoen wie im Paradies. Da het mer eifach alles Natur, gruen, Strand, wie ide Karibik und traumhaft schoens blaus Wasser..

Denn simmer zu de Fruende vo minere Hostmam heigange und hend det Fisch und Chips und e spezieli From vo Hotdog uf de Veranda gaesse. D Ussicht vo det en Traum, ueberall Natur und sicht bis uf de Beach abe... Ich han de Tag sowas vo gnosse... Und fuer mich isch das au unglaublich, dass mini Hostmam mir so sache zeigt, mich mitnimmt und ichs reale Kiwi lebe chan kennelerne...

Mitme feine Glas Wein hemmer denn de Abig usklinge lah...

Mirelle, ihre Maa und mini Hostmam

Da am Maentig en Feiertag gsi isch, isch das au wieder en erlebnisrieche Tag gsi. D Fruende vo minere Hostmam hend mich mitgna zum Fische. Ich bin denn mit em Peter und sinere Tochter, wo so alt isch wie ich, immne Boetli vo ca. 2x3 Meter drin gsesse, und ufs Meer use dueset. Wo mer de Peter d Schwuemweste id Handdruckt het, hani dennkt, dass ich das doch noed bruche... Oh aber doch! Scho wommer usegfahre sind, het de Motorgspunne, aso d Wasserpumpe, han scho denkt hoffentli muessi noed zrugschwuemme... Und denn de Wellegang, ich ha mich echt wie inner Nussschale gfuehlt. Ufgrund desse, dass es so stuermisch gsi isch hemmer denn au noed wuerkli gfischt, und hend de Weg zruggsuecht, dur die verschiedene Lagunene. Da da de Meeresbode z.t sehr unebe isch, sind d Welle a gwuesse Ort extrem hoech gsi. Ich han denkt woaaaa geil mir fahred ja mega schnell, ob baby aber mir sind noed gfahre, mir sind gsuerft uf de Welle, und eusi Nussschale, isch schier ufd Siete kippt. Ich seg nur Action.....

Schliesslich hemmers as Land schafft, d Camille und ich hend Guetzli gesse und de Peter het de Anhaenger gholt fuer euses Boetli. Alles Paletti, Boetli ufem Anhaenger und mir im Auto, und denn, s Auto springt noed ah, und Fluet chund schnell inne, d Redli vo eusem Auto scho langsam im Meerwasser... Aso s Problem isch gsi, dass de Schalthebel nuem unsem Park use cho isch in Drive... Aber so en richtige Kiwi Man haendlet das mit links.... En Tag voller Action...

Und am Abig sind Camille und ich na e Schoggi go trinke und hends gnosse dass mer wieder im trochne gsi sind... Aber echt cool gsi..

Huet heisst wieder bueffle und id Schuel gah, aber how ever, ich warte scho ufs negste Abendtuer!

Arrived in Nelson

So Leute, ich bin nachere Flugzueg irrfahrt, oder irrflug save a cho da in Nelson...
Es isch alles na easy gsi, woni uf London gfloge bin, doch denn det die boesi ueberraschig! Shit ich fluege ueber d USA. You need a Visa, het sie mir gseit bide Airline, und ich bin wuerkli wahrhaftig: FREAK-OUT well ich han das noed gwuesst, ich han gmeint ich flueg uber Asie.... okey die Frau het mer denn gseit woni en PC gfind zum is Internet ga.... Schlussendlich ischs ganz easy gsi... Aber so wie ihr mich kenned choender eu sicher vorstelle, was mis Temprament mit mir gmacht het...

Uf allfaell, de Flug London-L.A isch na gange, aber det bini scho schier duredreit vo dere ewige sitzerei... Und ich wies Sandwich zwueschet zwei luet dine. Die einte nebet dra, nur am turtle, de ander nebet dra, am Gin tonic am trinke, damit er het choene schlafe. Aber de Gin tonic drinker isch e gueti partie gsi. De het mer echt mega viel ghulfe. En Englaender wo uf NZ usgwanderet isch vor ca 7 Jahr, well sini chinde in NZ und Australie lebet...

Vo Auckland us bini denn nach Nelson mit ere Minimaschine gfloge, wo nur 50 Luet drin platz gha hend, das isch echt mega cool gsi, und de Flug wunderschoen... Me het echt so toll uf die ganzi Kueste vo de Suedinsle gseh.

Nach alldene Flueg und wenig schlaf hanni denn au wie en chline Kiffer usgseh.... Aber ich han voll duregebet und bin erscht am Abig go schlafe.

Am Flughafe bini denn abholt worde, vo de Homestay-Kordinatorin. Echt e netti Frau. Mini Homestay Mam isch echt en sexy Feger :-) Ich glaub sehr wenig Luet sind so kleidet wie sie. Sexy Struempf, mini Chleidli und Boots... Aber sehr e zwaegi Frau...

Denn huet min erste Schueltag. Echt cooli Schuel da. Genau nach mim gschmack... Alles farbig, vieli aktivitaete, wie z.b Yoga... d Lehrer sind au mega ufgstellt. Mer merkt dass sies gern machet. Aber ein Nachteil: DIE SCHWEITZER! Ach ej die sind eifach ueberall. Au da, idem chline Nelson... Aber wie au immer ich versuech echt nur mit so Luet si wo nur englisch redet.... Ide Mittagspause ischs scho los gange, die erschte wo Chuchichaestli Akzent gredet hend. No way, het mer echt eis gae...

Aber ja jetzt sitzi grad vorere Wand wod Aktivitaete vo dere Wuche drufstoend, wommer mache chan. Hmm Skydive am Fritig, hmmm maybe :-) We will see!!