Vo Sydeny us ischs denn wieter gange ines Surfcamp, fuer ei Nacht in Awarrawa.

 

 S Wetter het leider noed so mitgspielt, aber es isch trotz allem warm gsi, und het Spass gmacht :-) Nur han ichs chli uebertriebe und hanns Surfboard voll is Gsicht becho. Ja es het denn e chlini Schramme gae. Aber ja das ghoert halt au dezue :-)

Da na euses Surfcamp vo vorne

Da idene Huettli hemmer drin uebernachtet, ganz gechilled gsi..

A schluessend isches denn wieter gange nach Bayron Bay. Da gseht mer scho mal uf de Beach abe! Und ja es isch wuerkli alles so gruen rundume gsi. Ich has selber fascht noed glaubt. 

Bayron Bay isch echt en mega herzige Ort. Ich han mich grad ide Ort verliebt. Villi Kaffies, authentischi Laedeli und eifach en mega relaxte Vibe da :-)

Ja und das isch echt es Hostel gsi, wo ich drin uebernachtet han!!!! Mit Pool und Liegestuehl, das isch scho voll de Luxus. Ich bin mer so was vomne Hostel scho gar nuem gwoehnt gsi!!

Da ufem Weg an Beach

Bayron Bay

Ja und da hets echt vo Reptielie gwimmlet wie mer gseht. Ufem weg nach Cape Byron hani au mini erschti Schlange gseh. E mittel grossi grueni wo grad vor mir duregschlaeglet isch..

Cape Byron

Hehe da haltet oeper Ornig i sim Auto

Wo ich denn vom Cape Byron zrugcho bin, bin ich uf de riese Leguan gstosse!!! Und das Ding isch au na zimmli schnell gsi!!! Aber hammer so was ide Wildnis choene zgseh

Am naechste Tag hanni den en Usflug is Amsterdam vo Australie gmacht nach Nimbin. Ich glaube d Bilder sind gnueg ussagechraeftig zum wuesse was dete abgaht....

So mini Liebe, ich het gern na meh Bilder vo jetzig ufeglade, aber evtl. Morn, da da min PC mini Kamera noed erkennt. Schoeni Ostere na!!

Yihaaa Zentrum mir choemet, lets Rock the Rock

Euses Hostel in Alice Springs. Echt nur en Durchgangsort. Es isch trurig zum gseh, das s lebe vo villne Aborignes vo Alkaholproblem praegt isch...

E Tankstell in nirgendwo, jede Tag simmer 500km gfahre

Ja und denn choemet eim scho mal uf anderi Idee :-) Bloke und Sheila isch alte Aussi Slang, was aber nur na Bogans benuetzet...

Bogans sind sochli die Stammbeitze hocker... Au en Slang Usdruck

Das mir noed so usgeh hend, wie die Landschaft, hemmer jede Tag sicher 4 liter Wassser trunke. Jede Tag ischs 42 grad Celcius gsi. D Erloesig jede Tag s dusche...

Jep und da simmer scho vorem Uluru

Eusi Gruppe da, bewaffnet mit Fluegenetz und Huet....

D Malereie vo de Aborigines

Dur e chemischi Reaktion verfaerbt sich de Stei scharz det wos Regewasser abelauft...

De Uluru bi Sunneuntergang

 Euse ADHS guide am choche...

Sleeping in a Swag, kei bekanntschaft mit Schlage gmacht, defuer wildi Dingos ghoert, hammer gsi, und de Sternehimmel, so was hann ich i mim lebe eifach na nie gseh!

De Uluru bim Sunneufgang

Ufem Waeg is Tal des Windes, wo mer da vor eus gsend....

Mt. Cornner, hehe de Uluru isch noed de einzig Rock ide Wuesti vo Australie

 En riesige Salzsee, i de Mitti vo de Wuesti!!!! Das isch hammer i druecklich gsi!!!

En mini Tornado ufem Salzsee

Hmmm das isch fein gsi, Chilli con Carne mit Holzchole kochet...

Kings Cannyon

Die Wieti isch eifach so krass, unglaublich stunning gsi!!

Euse Abschiedsabig! Nach fascht 3 Moentet hend sich eusi Weg trennt. D Jasi isch nach Perth gfloge und bi mir gats jetzt denn morn los deruf de Ostkueste entlang!!! See you in 2 Month!!!

Ich bin unglaublich dankbar fuer das Privileg wo ich da han, so lang go reise zga, so schoeni Sache doerfe gseh, aber ich vermisse eu alli sehr fescht! Und ich freu mich sehr uf eu!!!