Hey zemme! Wiedermal isch durschtstrecki fuer die negste Bilder lang gsi... Ja also ufghoert hets ja letscht mal in Punakaki. A schluessend simmer denn nach Franz Josef gange, en Gletscher in NZ. Was speziell da dra isch, dass de eigentlich noed viel ueberem Mehrersspiegel isch, und umrundet vo Regewald isch. Das isch scho sehr i druecklich... Ja und da ja min Blogg freak-out heisst, und ich dass ja amig au bin, han ich gfunde, jea baby Helikopter-Hike, ich chumme!

Ja und da isch de Jason und ich zgseh im Helikopter. Sind beidi jetzt 2 Wuche ufem glieche Bus gsi.
Aber ja ich bin jetzt froh, dass ich en los han :-)

Sexy :-) leider staht er aber uf Maenner, euse Gletscher fuerer....

Woa das isch mis lieblingsfoti! Da simmer dure glofe, dur die Gletscherspalte! Das isch so eng gsi, da het mer sich muesse schier dure zwenge!

Eusi Lodge in Franz Josef, gseht zwar sehr schoen us, aber schlechtes Bett ever! Ich han s Gfuehl gha, ich schlaffi direkt ufem Laettliroscht... Aber das ghoert halt au dezue, wemmer mit em Rucksack underwegs isch :-)

Hotpools in Franz Josef, dass isch inklusiv gsi i eusem Helikopter-Hike, das het au mega guet ta. Da gset mer wieder, dass mer sich wieder voellig im Regewald befindet. Ja und da i dene Hotpools hani au es Schweizer paerli kenne glernt. Ehrlichgseit, hanis gnosse, nachere Lange ziet wieder mal es usfuehrlichs Gsproech uf Schweizerduetsch gha zha :-)

A schluessend a Franz Josef simmer denn nach Wanaka greisst, zerscht simmer amne Mirror Lake verbi cho. Scho sehr beeindruckend, wenn sich so e ganzi Landschaft drinn wiederspieglet...

 und a schluessend simmer na a dem schoene Ort verbi cho!

Da unde na es paar schoeni Bilder, vo eusere fahrt nach Queenstown

Das beeindruckt mich da scho sehr, amig fahrt mer eifach Stunde, het praktisch kei bewohnti Ort. Me merkt da in Neuseeland scho, da Bevoelkerigsdichti ganz anderscht isch. Het ca. 4.4 Millione, und mir hend ja praktisch scho schier 8 oder so, und sind einiges chlinner!!!

Am letschte Frietig simmer denn in Queenstown acho! Mega toll da, git eifach soviel verschiedene Adreanilin-Junki stuff, zum mache. Ich waeri fascht go Bungy-Jumpe.... Ha mi scho a gmeldet gha, und denn hani die ganz nacht noed gschlafe, welli so schiss gha han, dass mis letschte stuendli gschlage het denn ;-)

Ich und d Daniela hend eus denn ufd Socke gmacht vo guete oertli da, und sind i dem tolle Kaffi glandet, wo mega hammer Schoggi macht....

Naja s Wetter da unde isch halt oft her durchzoge, aber life ischs immer namal viel schoener

Ja und was natuerlich zu Quenstown ghoert, isch de FERG BURGER! Leider hani vergesse vo dem es Foti zmache. Aber hezy de MC Donald Burger isch en Dreck degaege, das teil isch noed uebertribe 6 mal groesser, aber au umso besser. Und o Wunder, han  sogar de ganzi gessse :-)

Ja und am Abig bini denn mit somne Neuseelaender, wo eigentlich vo de Nordinsle isch, und da isch go Downhill Bike ins usgang gange. De Typ hani im Hostel kenne glernt, und oh mann die sind scho cazy gsi... Aber isch echt Fun gsi, mit denne wegsga :-)

Vo Queenstown us hanni denn au en Tagestripp nach Milford Sound gmacht... Leider ischs Wetter noed so schoen gsi, aber es isch troz alles sehr beeindruckend gsi! Mer isch so voellig z wueschet denne Schluchte uffem Wasser....

Nach Quenstwon, simmer denn richtig Mt. Cook gfahre.

Wieder ganz anderscht, zwar au wieder mit Gletscher, aber sehr i druecklich. Well halt oft Gletscher isch, und denn rundume gruen oder eifach d Farbe so speziell wuerket vo de Natur rund ume...

Eusi Lodge in Mt. Cook, voellig abglege

Nach Mt. Cook simmer denn nach Rangitata gfahre, wo mer go River Rafte het choene. Und ich han mich wieder mal chli nach Adrenalin gseht, und han denkt, je dabei bin ich. Aber das isch scho mega i gfahre... Das isch bis Stufe 5 gsi, also s Maximum. 3 Luet hemmer verlore, und immer de wo nebet eim uf de andere Siete im Boot sitzt, isch mer verantwortlich zum rette, usem Wasser z zie. Und ja hey de Typ nebet mit wo sicher so 90 kg schwer isch, hani doerfe use rette. Aber das isch mega krass gsi. De Typ isch usem Boot gheit, bi de Stufe 5, denn hets en durd Stroemig voll unders Boot zoge, und mer hend en fuer e churzi Ziet gar noed gseh, denn isch er uf eimal ufecho, und de Typ het usgseh, als het sis letschte Stuendli gschlage.... Ich hann mich denn ueber s Boot glehnt, de Typ  obe a sinnere Schwuemweste packt und mit aller Chraft, da usezoge. Naja und da ich ja zimmli liechter und chlinner gsi bin als de Typ, isch denn das meh e Hebbelwirkig gsi... Mich hets voll is Boot gleiht, und de schlussendlich obe mir druffe... Naja leider isch er noed so sexy gsi ;-) weri ja suscht na gange....
Ja und euse Kaepten/Fuerer, de het amig scho chli umebruellt, han amig schier s Gfuehl gha, es gaht um de ernscht vom Lebe. Aber ja irgendwo, wemmer die krassi Stroemig gseh het, denn isches das evtl. au gsi....

Ja und denn woes chli ruehiger worde isch, isch de negschti Adrenalin Kick cho. Cliff-jumpe ;-) erscht mal vo 3 Meter und denn fuer die wo nanig gnueg gha hend, het vo 9 Meter in Fluss abe springe choene. Und ja ich ha gfunde, machi... Aber woni denn ufem 9 Meter gstande bin hani scho gfunde, huhu isch scho chli hoech da obe. Han auch es Minuetli brucht, bevor ich da abe Jumped bin, aber es isch echt geil gsi :-)

Nach dem Tag hets denn na Barbecue geh, was zimmli cool gsi isch, nach somne Tag...
Ja und da gseht mer na eusi Lodge wommer gha hend. Mir hets sehr guet gfalle. Isch sehr persoenlich gsi und d Luet sehr fruendlich..

Am negste Tag, simmer denn nach Kaikoura gfahre. Mir hets da sehr guet gfalle... Es chlieses Oertli vo bekannt isch fuers Tierriech im Wasser. Delphinschwuemme oder Walewatch, isch da sehr populaer. Ich han mich denn da fuers Walewatsch entschiede, da ich ja scho was buechet han mit Delphinschwuemme in Australie...
Uf allfell, hani denn sogar 2 Wale gseh, mega toll! Isch scho sehr Eindruecklich, haber ja chli schad, mega viel vom Wal gseht mer ja eigentli au noed.

Leider hemmer denn am naegschte Tag scho wieder wieter muesse, besser gseit, ich han eifach kei Ziet gha, zum lenger bliebe, obwohl ich da scho gern na e Nacht lenger bliebe weri. Aber ich bin froh, gsi us demm Hostel wegzga... Das isch echt e Abstiegie gsi. Ej waeee, die chuchi, mich hets fascht kehrt.... Naja uf die anderi Art wers au d Ufgab vo de anderne Backpacker d ufgab, ihres z ueg wegzrume... Aber ja het halt au viel mega Jungi wo reisset, woni amig s Gfuehl han, die hend immer alles gmacht becho...
Ja und schluessendli bini gester den in Wellington acho, Welcom to the North, aber das isch scho en schwere Abschies gsi, vo de Suedinsle, es het mer so guet gfalle da, naja hoffe ich chumme wieder det ane...