Hello Adelaide! Am Abig vo de Nullharbour Tour, bini denn mit em Tom und na zwei anderne eis go trinke, und dadebi hend de Tom und ich 4 cooli Franzose kenne glernt, mit dene ich vorallem mini Wuche in Adelaide-Glenelg verbracht han... Ja und eigentlich het alles dademit a gfange dass ich zu de Marine ide Bar gseit han, hey du hesch en mega tolle Haarschnit... Und sie zu mir, ja hey wend willsch, denn schnied ichs dir au so! Okey ich han mich voll druf i lah, sie und de Ben sind au eifach Backpacker gsi, und hend eigentli nuet mit Haareschniede am Huet gha.. Aber ich han keis bitzli zoegertet.

Ja und denn isch de Ben is Spiel cho...

Au wenns e krassi Veraenderig isch, mir gfallt immer na mega...

Jea mini French peoples :-) mit neuem Haircut...

Mis Hostel in Glenelg, das isch eifach super schoen gsi! Kei Doppelbetter, gmuetlich, en schoene Innehof und grad am Beach...

In Adealaide selber bini denn au uf Erkundigstour gange in botanische Garte

S Palme huus. Hmm und rund ume voller Lavendel....

Im Weinzentrum

Innere Artgallery

Am Central Market. Hmmm nach e re Ewigkeit hanni wiedermal Lasagne gesse, ach das isch so de Hammer gsi... Han mich idere Wuche praktisch nur vo Toastbrot ernaehrt, da ichs gratis becho han, vominere letschte Tour...

A mim letschte Abig in Adelaide, hend d Franzose und ich na zemme choched, hmm das isch echt toll gsi...