freak-out-around-the-world

Nach emne chillige Tag in Adelaide ischs denn uf mini Nullharbour Tour in mittlere Suede und liecht in undere Weste vo Australie gange.

Adelaide isch sehr bekannt fuer sini Weinproduktion, ufem Weg hemmer sehr viel devo d gsicht becho...

Wiemmer gseht, sich die Landschaft sehr vo duerre gepraegt. Mit em Wasser wird da au sehr sparsam umgange. Uf eusem Trip hemmer immer Regewasser drunke, und natuerlich au Regewasser zum dusche brucht. Dusche isch amig nur 3 Minute erlaubt gsi, das eifach zu viel Wasser verbrucht het suscht. Da gset mer wiedermal, ueber was sich d Luet da gedanke mache muend, was mir eifach alles im Ueberfluss hend.

E Ruine vo fruener, wied Luet glebt hend

Mir hend denn uf de Huegel uffe e 3 stuendigi Wanderig gmacht.

E Underart vomne Kangaroo. In Australie gits so viel ich weiss 50 verschiedeni Arte vo Kangaroo

Unser Hike

Eusi Schlafstaette. Eigentlich waeri geplannt gsi dusse underm freie Himmel z schlafe, aber es het sehr fescht gwindet, desshalb hemmer denn innere Wanderhuete uebernachtet.

Eusi improvisierti Chuchi

Euse Tourguide und mini Madels us de Gruppe. Total durchmischt vo de Nationalitaete.

Vo Australie - Germany

Ich liebe es, Campfieres, aber leider noed wuerkli erlaubt, weg de Waldbraend...

Goodbye Dutchman place

Euses Buessli, wommer demit greisst sind. Mit nur 5 Luet isch das au sehr a gnehm gsi :-) Grundsaetzlich isch das au wenns pumpe volle isch, viel angenehmer, i somne Buessli z reise. Ich gfinds eifach persoenlicher...

Am naechst Tag hemmer eus denn ufd Suechi vo Wallabys gmacht. Gsend liecht us wie Kangaroos, nur grau, chlinneri Ohre, und en brun, grau-wiesse Schwanz.

Wie mer gseht simmer fuendig worde, obwohls sehr schwierig gsi isch... Adlerauge sind da gfraeget gsi :-)

Kangaroos hemmer au na gseh...

Ufem de Weiterfahrt

Da in Kimba, dass isch im Suede ide Mitte vo Australie. Alli wo nach Alice Springs, nach Perth oder richtig Sydney fahret, durchfahret Kimba. Eini vo de einzige Strasse in Australie, wo sich so vieli Reisendi chruetzet...

Da euses Plaetzli wommer z Mittag gesse hend. D Australier sind eiduetig d Barbecue-Nation :-) und ich bin au sehr erstunt, sie sind au immer sehr suber ghalte.

Uf eusem Weg zur naechste Uebernachtig simmer denn annere Hoehli, oder emne Durchgang zum Meer verbi cho, unglaublich schoen, vo de ganze Formation und de Farbe.

Da obe drah, hend d Bienne ihri Naester gmacht...

Crazy Englaenderin :-) mir hends luschtig gha.... Leider isch denn mini Gruppe am naechste Tag uf Perth gfahre, und ich han min Loup mit de Gruppe gmacht wo vo Perth cho isch, und nach Adelaide gfahre sind. Di neu Gruppe isch au de Hammer gsi....Ja und da isch au scho die erschti nacht gsi, wommer denn underem freie Himmel gschlafe hend. Ich han natuerlich mega schiss gha, das e Schlage, oder e Spinne i min Swag chunt, und han die halb Nacht noed gschlafe...

Am naechste Tag isch denn Surfe ufem Programm gstande, am Morge... Ja und wenn en Haifisch chunt, ich waeri die letscht wonen glaub gseh wuerdi, denn wo ich am versueche gsi bin z Surfe, saegi e Robbe under mir duregsprunge, und alli hends mega toll gfunde, dass die so naech bi mir gsi isch, aber ich han gar nuet gseh :-S

D Party isch denn gstiege erscht recht nachem Surfe, da sich alli ufs Delfin und Robbeschwuemme gfreut hend. Santa Claus ide Front immer allzeit bereit debi :-)

Da i dere Wunderschoene Bucht (Baird Bay, soviel mir isch) simmer mit de Delfin und Robbe go schwuemme. Leider hanni mini Underwasserkammera vergesse mitznae :-( Aber d Erinnerige sind ja eh au noed ersetzbar! Es isch so toll gsi. Ich bin mit mim Schnorchel im Wasser gsi, und undermir sind 3 Delfin duretaucht, mis Herz het fascht ufghoert wieter z schlah!

Ja und da eusi Kollege mit denne wommer den go schwuemme gange sind. Es isch fascht na besser gsi, als Delfinschwuemme, denn mit de Robbe het mer so richtig choene spiele. Ich bin abedaucht, bis fascht am Bode vo de Bucht, han mich umedreiht im Wasser, und d Robbe het mit mir spiele welle und isch um mich umegschwumme, und fascht nur es A4 Blatt vo mir entfernt gsi. De Guide het gset, je meh Sache dass mir machet, dessto Interessanter simmer... Ich han natuerlich alles geh. E maennlichi Robbe het sich denn au fuer mich interessiert, aber Ahhhhhhhhhhhh, das isch es Rieseding gsi!!!!

Ja und was mer au nie mache daerf, meh als de Chopf usem Wasser hebe, suscht fuehlet sich dei maennliche Robbe usegforderet.....

Am Abig a eusem Campfire, en Wunderschoene Sunneundergang

Mini neui Gruppe. Da hemmer grad Naturkund gha, und sind a schluessend ide Nacht go Wombats go sueche. 5 Simmer begaegnet. Ide Nacht ischs Naturlebe au sehr beeindruckend...

Am naechste Tag simmer denn im Nichts usse anere Baeckerei verbi cho... Aber s Brot isch immer na kein verglich gsi, zu dem bi eus ide Schweiz. Miss you Bread!!!!