Welcome to Australia

Nach dem ich am Samstig Abig in Adelaide a cho bin, isches denn au scho am naechste Tag los gange uf Kangaroo Island. Det isch zerscht mal mit em Schafscheere a gfange worde, da d Maurinowulle oft vo Australie chunt, ghoert das au zu de Sehenswuerdigkeite...

D Schaafhuend hend ihre Job beeindruckend erlediget. Damit d Schaaf i die richtig richtig goend, rennets inne nah, oder gumped sogar uf sie ufe...

Wahrschindli gset mers da gar noed so guet, aber de Schaafhund sitzt grad ufemne Schaaf obe, um d Schaaf inen Schach z triebe.

Isch so unglaublich die vieli Wulle um das Schaaf ume, gset meh us wie en knuddelige Teddybaer :-)
Haha Teddybear jetzt gats der an chrage ;-)

Unglaublich wie viel Wulle das das hergit, und wie schlank dass das Schaaf schlussendlich usgseht. Wenn de Farmer s Schaaf scheret, denn liet er i sonnes Metallgruescht inne, um ergonomischer d schaffe choene, bueget viel Rueckeproblem vor....

Min Tourguide, mega en tolle Typ gsi, het immer alles ade Windschutzschiebe ufzeichnet, mitem Bordmarker. Da grad e Veranschaulichung vo Kangaroo Island, und wo mir durefahret...

Es Emu-weibchen. Take care, denn d Besitzer hend es Maendli welle zu ihre is Gheg inne due, und sie het en grad killt! Irgendwie gsend die Tier au scho so aggressiv us, mit ihrne rote Auge. Han sit ich in Australie bin au scho einigi freii ide Natur gseh...

Da simmer anen Strand gfahre, wos australischi Robbe gha het, wo vom aussterben bedroht sind. Es git nur na 12'000 vo denne. Was anderscht isch a denne Robbe, sie sind weiss-silbrig, und de andere wommer amig au in Australie oder Neuseeland gseht, sind schwarz-braun. Speziell isch au, sie goend oft 3 Taeg am Stuck go jagge, und denn liegets wieder 3 Stuck am Tag nur am Strand und fulenzet. D Babys bliebet debi a Land, und wartet, bis d Muetter wieder zrug chunt...

Ja und was mer au gmacht hend, isch gsi, go Sandboarde. Wobi mer da noed druf staht, wer zu gfaehrlich. Entweder fuess vorah, oder chopf vorah. Wobi chopfvorah scho viel geiler isch. Es chunt eim eifach so unglaublich schnell inne :-)

Alles nur Sand, es isch sehr beeindruckend gsi. Ich han mich wie innere chline Wuesti gfuehlt...

Grad dete wommer uebernachtet hend, hemmer en Koala gseh :-) Mega toll!

Mega schoeni Papageie i freier Wildnis, unglaublich! Das waeri am Papi sis Paradies :-)

Leider gits immer wieder Waldbraend, und wiemmer gseht, isch anschluessend amig die ganz Landschaft ein scharz-graue Landstrich....

Die beruehmte Kangaroo Island rocks...

D Stei sind nur so rostig verfaerbt, das dadruffe, e Flechte het, wo wachst.

 

Vor de Faehre wommer wieder ufs Festland uebere gaht hets en chline Fisch and Chips shop gha, angeblich ene vo de 4 beste vo Australie! Und wenn mir das oepper seit, denn muess ich das natuerlich go probiere :-) und es isch wuerkli sehr guet gsi! Ueberhabt noed so fettig!

Ja und nach Fisch und Chips isch denn die Tour au scho wieder z End gsi, und ich han am naechste Tag usgspannt und mich uf min naechste Trip vorbereitet, uf mini Nullharbour Tour