Arrived in Brisbane! Sehr e moderni Stadt, und au sehr anderscht zu Sydney und Melbourne. Wemmer da uf de Strass glove isch, isch mer sich ja scho fascht einsam vorcho! D Luet han ich au sehr anderscht wahr gna. Eher chli meh fuer sich, und au im gegesatz zu Sydney zimmli unsportlich! Hehe ich glaub mer ghoert da scho usse, das die Stadt noed so min Vibe gha het. Nach 2 Naecht dah, hanni denn d Flucht ergriffe und bin nach Noosa gluechtet, obwohl ich da na 2 wieteri Naecht buechet gha han... Aber so isch das halt au bim reise... Ort wo eim entsprechet, und anderi wo mer eifach nurd Flucht ergrieft....

Mis Hostel isch aber zimmli cool gsi, mitme Pool ufem Dach und hammer Ussicht

A mim erschte Abig bin ich denn da bim kulturzentrum mitere Schuelkollegin vo Manly, wonni da zuefelligerwies wieder troffe han, amne mini Konzert gsi, und a schluessend simmer is Musical gange. So isch min erschte Abig idere Stadt, ganz guet gsi! Abgseh vo dem, dasses ide Stadt selber fascht kein Ort git, zum richtig in Usgang zga! Das isch alles usserhal glaege...

 S Kulturzentrum vo usse 

 s Casino vo Brisbane

De Veloweg vo Brisbane... Ja und nach dem Tag isch s Kapitel Brisbane au wieder z End gange. Am naechste Morge ischs den nach Noosa losgange. Da han ich mich den au wieder puddel wohl gfuehlt... genau min Vibe hets da gha :-)

 @ Sunshine Beach, nur 5 min e weg vo mim Hostel. Vom Hauptbeach bini fascht 40min e weg gsi.. Aber das het mir noed so viel usgamcht, da mir de Beach viel meh entsproche het. Meh und groesseri Welle und fascht kei Luet am Strand!

 Das obe dra isch de Hauptbeach vo Noosa, und im undere Bild han ich en abstecher dur de Nationalpark gmacht. Det gits en Ort wommer Delfine und Schildchrote chan gseh. Leider hend die bi mir alli Siesta gmacht und sind vom Spot fern bliebe..

Sunnset vom Lookout in Noosa  und die letschte beide Bilder de Sunneufgang am Sunshine Beach

Da na en chline Einblick i mis Hostel in Noosa :-) so gechilled wies usgseh het, ischs au gsi...