Nach mim Trip in Fraser Island, han ich mich nach erre wietere Nacht in Rainbowbeach nach Agnes Water ufgmacht. Da han ich imne sehr beeindruckende Hostel gschlafe, Cool Bananas, wod Besitzer sehr angagiert gsi sind dassd Backbacker was erlebet und hend au gratis chlini Toure a bote. Da ich aber nur 1 Nacht dete gsi bin, hets mich am naechste Tag uf en Kajak verschlage. Am Nammitag am drue isch das losgange bis in Sunneundergang. Mer chan da Delphin und Schildchrote gseh.... Was aber a dem Weekend wo ich dete gsi bin, eher sehr schwierig gsi isch, das grad Ostere gsi isch. Da choemet halt sehr viel Australier mit ihrne Motorboetli anne und gnuesset ihri Ostere ufem Wasser. Dur die ganze Gruesch im Wasser isch dass denn natuerlich wiederum abschreckend. Euse Kajak guide het eus au verzelt, dass uf de einte feschte Boot Katze lebet, damit d Foegel ihres Gschaeft noed det verrichtet...

Ja und de Hund vo eusem Guide isch au voll de bi gsi :-) Aber natuerlich nur bis mer eus is Kajak gsetzt hend...

 Mir sind denn go Kajak-Surfe was zimmli cool gsi isch! Ja es seit eigentlich scho so zimmli alles. Isch halt fascht wie bim normale Surfe. Mer versuecht mit em Kajak e Welle z verwuetsche! Natuerli kentert mer da, und muess i moeglichst schneller Ziet wieder is Kajak zrug..

Mir hend den au e Pause i gleit, um de Sunneundergang choene in Ruhe a zluege. Chips und Weisswein sind au debi gsi :-)

 De Guide und ich...

Ja und nach dem Trip han ich wiedermal gmerkt, wo ich ueberall Muskle han! Ich bin natuerlich voll erlediget gsi, aber das isch genau perfekt gsi, da ich denn am 9ni am Abig uf de Nachtbus gange bin. Darin bini 10std. underwegs gsi, um nach Airlie Beach z glange, was s Tor zu de Withsundays isch...

 Am Morge am 7ni bin ich denn da in Airliebeach a cho, bi Backbackers by the Bay. Das isch au eher chli usserhalb glege gsi vo Airlie Beach, aber ebe mini Erfahrig isch eifach, dass d Backbacker usserhalb besser sind, als die voll im Zentrum..

 Am Strand vo Airlie... Mer gseht jetzt scho, dass s Wasser eifach hammer usgseht. So tuerkis blaus Wasser, dass isch eifach echt mega Paradiesisch!!!

 Am Abig han ich mich denn uf min Bootstrip begaeh. Mer sind 30 Luet gsi! Vo jung bis alt und halb Europa isch vertraette gsi! Es isch echt e hammer Tour gsi. D Crew eifach mega professionell, s Esse eifach mega, und die Mitreisende eifach au total cool drufe! De Vibe uf dem Boot het eifach g stumme. 3 Taeg und 3 Naecht hemmer eus und d Withsundays gnosse... Da unnedra am Morge bim Zmorgebuffet :-)

Euse Kaptain :-) Es sich halt so es richtigs alts Segelboot gsi, wo na richtig us Holz bestande het!!!

 Eusi Schlafkabine het scho nach 10min usgseh als het e Bombe i gschlage....

 Euses chline Boetli mit dem mer amig uf Land gange sind...

 Euses Segelschiff vo ussse

 Mir hend denn am erste Tag da a ghalte womer zum White Haven Beach chunt.....

 Mini erschti Riesespinne.. Ja und da hanni au e Ameise gesse :-) De Typ vo eussere Crew het gseit die heget sehr viel Vitamin C drinne, und ja so hemmer eus denn uf Ameisejagt gmacht.... Die hend aber noed wie die normale Ameise usgseh, sondern sind echt knall gruen gsi und hend au sehr sauer gschmeckt..

 Wowww!!!! Das isch de White Haven Beach!! Das gseht doch eifach hammer us!!! Mer choent meine das segi Sand... Es sind aber eigentlich ganz vieli Glaschoerner, wo dur e vulkanischi Aktivitaet da ad Oberflaechi bracht werdet.... Ja und je nach Tide gsehts au immer wieder anderscht us da...

 Es Staecketier

Wie mer gseht, s Wasser isch eifach unglaublich klar gsi!!! Das han ich echt na nie gseh!!!

 Da unnedrah uf em Bild isch de Sand richtig Crumblig gsi, was durd Krebse verursacht gsi isch. Die duend sich in Sand inne bohre d Naehrstoff ussefiltere, aso esse. Wenn denn s Wasser wieder innechunt fangt das ganze Spiel wieder vo vorne ah....

 Jede Tag hets Buffetstyle gaeh... Und es isch echt voll guets Esse gsi. Ich han das so unglaublich gfunde, was die da i dere chline Chuchi annezauberet hend...

 Nach em Mittagesse simmer denn Wieter gseglet, zu eusem naechte Stop, wo mer denn au uebernachtet hend...

 Euse z wuesche Verspflegig... Hmmm jammi. Aso verhungeret simmer sicher noed

 Am naechte Tag hets mich denn ufen Tauchgang verschlage, und dass isch au es mega Erlebnis gsi!!! Ich bin am Schluss aber fascht nuemme ufs Boot cho, da sich die Flaesche wie e Tonne a gfuehlt het!!! Ja und s Atme isch scho sehr speziell gfunde, aber es het sich fascht wie chli de Boesewicht vo Starwars a ghoert... Hehe

 De Elvis, so het d Crew de riesigi Fisch da benennt...

 Nachem Tauchtrip ischs den mitem Schnorchle wieter gange amne andere Spot, aso am Nammitag.. Das isch echt au toll gsi. Mer gsechi det oft Turtles, wobi das bi eus noed de Fall gsi isch. Es isch eifach viel zu windig gsi.... Aber am letschte Tag han ich denn doch na eini gseh, und das isch echt voll s Highlight gsi.. I de letschte Nacht isch au en Delphin immer wieder um euses Boot gschwumme. Wahrschindlich isch de am jage gsi..

 Ahhh und de groeschti, gfaehrlichsti Fisch im Wasser bin natuerlich ich gsi... :-)